Rreth 350 kg lëndë narkotike e llojit marihuanë u sekuestrua nga dogana maqedonase në pikën e kalimit kufitar Tabanovcë.
Droga u gjet në një kamion me targa shqiptare, ndërsa u arrestua drejtuesi i mjetit, 62-vjeçari F.B. Ngjarja ka ndodhur në orët e para të mëngjesit të sotëm, ndërsa shoferi do të përballet me gjykatën në Kumanovë me akuzën e trafikut ndërkombëtar të drogës.
Doganierët gjetën drogën të fshehur mes peleteve, që përdoren për transportin e luleve.
Nuk dihet nëse doganierët kryhen kontrollin e imtësishëm për shkak të informacioneve, apo ishte një rastësi.
Mediat maqedonase shkruajnë se lënda narkotike kishte si destinacion tregun europian.
