Edi Rama mos e shto zullumin. Ishte kjo thirrja që Shpëtim Idrizi, kryetar i PDIU-së, i ka drejtuar Kryeministrit nga protesta e opozitës që po zhvillohet para Kuvendit. Idrizi i ka kërkuar Ramës që të dëgjojë zërin e qytetarëve dhe të dorëhiqet.
Ndërkohë mes policisë dhe protestuesve ka pasur të tjera përplasje. Policia i ka bërë thirrje me megafon protestuesve që të mos qëllojnë me sende të forta apo shashka në drejtim të uniformave blu.
Situata në hyrjen e Kuvendit, tensionohet dhe qetësohet në interval kohore, ndërsa disa qindra policë janë angazhuar në kordonë që bllokojnë hyrjen e Parlamentit.
