Erjon Veliaj i është shmangur pyetjes nëse në Kongresin e PS-së administrata është detyruar të marrë pjesë përmes presioneve.
“Ishte ditë pushimi, nuk u mbyll asnjë institucion. Ndërsa kur proteston PD vijnë administratat e bashkive nga Lezha, Kamza dhe Shkodra. Më keni parë mua ndonjëherë të dal me administratën në protestë?”, tha Veliaj.
Lidhur me vjedhjen apo shit-blerjen e burgut, Veliaj tha se kush vjedh vota duhet të shkojë në kokërr të burgut.
“Pse mendoni ju se 3 vota në një familje mund të bëjnë ndryshimin e mbi 300 mijë votave që bëjnë diferencën.
Në Tiranë janë vjedhur vota? Jo, atëherë pse unë duhet të mos shërbej.
Votat e kujt vodhi Edi Rama? Luli nuk fiton dot zgjedhjet. Unë s´kam të bëjë as me laca, as me të fortë, as me banda.
35 mijë komisionerët e PD firmosën zgjedhjet, pse nuk doli një demokrat dhe të thoshte votat u vodhën”, tha Veliaj.
I pyetur sepse nuk del ai në përgjime po del Vangjush Dako, Veliaj tha se votat merren me punë.
