Një mjek është dhunuar fizikisht në Dibër. Një prej dy autorëve, vëllezër me njeri-tjetrin, është arrestuar, ndërsa tjetri është shpallur në kërkim.
“Nga Specialistët për Hetimin e Krimit në Komisariatin e Policisë Dibër, u arrestua në flagrancë shtetasi : A.L, 43 vjeç, dhe u shpall në kërkim vëllai i tij shtetasi V.L, banues në Dibër, pasi në bashkëpunim me njëri tjetrin në ambjentet e Spitalit Rajonal Dibër, kanë goditur me grushta mjekun shtetasin A.M. Materialet u referuan pranë Prokurorisë Dibër për veprën penale ‘Goditje për shkak të detyrës’, kryer në bashkëpunim”, thuhet në njoftimin paraprak të Policisë së Dibrës.
Rastet e dhunimit të mjekëve janë të përsëritura. Pak ditë më parë, kryeministri Edi Rama paralajmëroi ashpërimin të kodit penal për ata persona që dhunojnë bluzat e bardha. Ndërkohë, PD e quajti fenomenin një dështim të strukturave shtetërore dhe kompanive private, të tenderuara për të ruajtur sigurinë në spitale. /BN/
