“Shefi i krimeve në Kombinat më erdhi në banesë dhe më ka dhunuar, e kam me video të filmuar. E lashë, por sot u hakmor prapë, dhe i them sot: Do ta kesh personale me mua Oliger Torba”. Deklarata nga protesta e Unazës së Re në kryeqytet u bë nga një banore që bashkë me dhjetëra të tjerë, protestojnë prej muajsh kudër projektit për ndërtimin e rrugës që parashikon shembjen e banesave dhe bizneseve të tyre.
Banorët kërkuar rrëzimin e projektit që e cilësojnë korruptiv dhe deklaruan pjesëmarrjen e tyre në protestën e nesërme para parlamentit, të thirrur nga opozita, që nis në orën 9:30.
Largimi i kryeministrit Edi Rama dhe i kry bashkiakut të Tiranës Erion Veliaj u kërkua gjithashtu në protestën e pasdites së kësaj të mërkure.
Krah banorëve ishin edhe ish-deputetët e opozitës, Klevis Balliu dhe Petrit Vasili. Ish-kreu i grupit parlamentare të LSI-së tha se Ramën “nuk e duan as të tijtë”
“Se duan as të tijtë është një havale e madhe që u ka mbetur mbi kokë”, deklaroi Vasili nga megafoni i protestës.
/Boldnews.al/
https://www.facebook.com/partiademokratike/videos/1252498218231297/?notif_id=1553620171734964¬if_t=live_video_explicit
