Të shtunën, në orën 14:00, Skënderbeu do të luajë përballë Luftëtarit në Gjirokastër për javën e 26 të Kategorisë Superiore.
Me grupin janë bashkuar dy talentet Jorgo Pëllumbi dhe Mari Dajsinani pasi janë rikthyer nga grumbullimi me U-21, por edhe Zani Kurti dhe Bruno Lulaj që kanë lënë pas dëmtimin.
Për këtë ndeshje Orges Shehi, do t’i bëjë llogaritë pa Leonit Abazin, i cili mori karton të kuq përballë Kukësit, por edhe pa kapitenin Marko Radas.
Me shumë gjasa, Jorgo Pëllumbi do ta nisë si titullar këtë ndeshje. Nga minuta e parë në formacion mund të shohim dhe vlonjatin Dejvi Bregu. Për shkak tb mungesave në mbrojtje mund të shohim dhe Bruno Lulajn edhe pse ka pak ditë i cili i është rikthyer stërvitjes.
Në Korçë është rikthyer buzëqeshja dhe nga Gjirokastra presin vetëm tre pikë.
