Theresa May është zotuar të japë dorëheqjen nga posti si kryeministree Britanisë nëse Parlamenti miraton marrëveshjen e arritur me Brukselin. May tha se ajo nuk do të qëndrojë në detyrë për fazën e ardhshme të Brexit-it kur do të diskutohet lidhja tregtare me BE-në.
Deri tani Kryeministrja nuk lajmëroi një datë të caktuar për dorëheqjen, ndërkohë ky vendim vjen pasi ligjvënësit kanë marrë kontrollin e procesit të Brexit-it.
Deklaratat e May-t u bënë gjatë një takimit të grupit parlamentar të Partisë Konservatore të Britanisë.
Kritikët e zonjës May nuk duan që ajo të qëndrojë në detyrë gjatë fazës së ardhshme të Brexit-it, kur Londra dhe Brukseli do të qartësojnë se çfarë marrëdhënie tregtare do të mbajnë në fuqi, nëse në Parlament kalon marrëveshja ekzistuese.
