Moderatorja, Alketa Vejsiu ka replikuar ashpër ndaj një komenti që është bërë në një video promo të pesëshes së Anabel, që ajo ka shpërndarë në profilin e saj.
Mesa duket pesë vajzat e Anabel do të jenë kopertina e radhës e revistës ‘Class’ dhe moderatorja, Alketa Vejsiu ka ndarë një video promo ku vajzat duken duke pozuar.
Pesë vajza e Anabel Hostel kanë bërë serialin e parë në YouTube në Shqipëri i cili duhet thënë se ka fituar plotësisht vëmendjen që në seritë e para.
Të mbledhura bashkë për të realizuar Coverin e revistës ‘Class’, ka tërhequr vëmendjen një koment negativ i një ndjekësi që ka shkruar: “Pse nuk thua k*rvat më të famshme të momentit”.
Aq është dashur që moderatorja t’i replikojë ashpër me një koment duke i thënë që ka ikur koha e komplekseve dhe jetojmë në epokën ku njerëzit janë të lirë.
“Po tamam si ‘Sex and the City” që pushtoi Botën ndërsa ndonjë si ty i quan ashtu siç i quan! Ka ikur koha kur vajzat e reja, me mendje të hapur dhe pa Komplekse etiketoheshin ashtu. Jetojmë në epokën ku gjëja më e rëndësishme është ‘Liria’. Enveri ka vdekur, bashkë me të edhe ky termi! Hajde shnet!”-Ka replikuar Alketa Vejsiu në komentin e ndjekësit.
