Mino Raiola, agjenti i super talentit të Juventusit Moise Kean ka paralajmëruar drejtuesit e klubit bardhezi se klienti i tij duhet që të luajë më shumë.
Ai gjithashtu ka treguar edhe një prapaskenë të merkatos ku kishte tentuar që ta transferonte tek Milan por Juve nuk kishte dashur që ta humbiste.
“Tani për tani ne jemi të vendosur, ai (Kean) duhet të luajë më shumë”, tha fillimisht Raiola.
“Unë tentova ta transferoja atë te Milani në janar, por Juve nuk dëshiroi ta humbiste, unë dhe Leonardo bëmë gjithçka.”, ka shtuar më tej agjenti italian rreth të ardhmes së Moise Kean.
Kean po kalon një moment të mrekullueshëm ku pas disa ndeshjeve me Juventusin, ku kundër Udineses shënoi edhe dy gola, debutoi me gol edhe me Italinë duke u bërë lojtari i dytë në histori me moshën më të vogël që shënon për ‘Azzurrët’./Boldnews.al/
