Një 22 vjeçar me iniciale J.M është arrestuar nga policia e Tropojës pasi nuk i është bindur sinjalit të kësaj të fundit për të ndaluar.
22 vjeçari ka qenë duke udhëtuar me automjetin tip “Peugeot” në momentin kur policia rrugore i ka bërë sinjal për të ndaluar. Mosndalimi i tij kundrejt sinjalit të policisë dhe kundërshtimi dhe ofendimi i punonjësit të policisë kanë bërë që policia të marr masa duke arrestuar këtë shtetas.
Shtetasi u ndalua për veprën penale “Mosbindja ndaj urdhrit të punonjësit të policisë së rendit publik” dhe “Kundërshtimi i punonjësit të policisë së rendit publik”.
Njoftimi i policisë:
Specialistët e Seksionit për Krimet në Komisariatin e Policisë Tropojë, arrestuan në flagrancë shtetasin;
-J.M., vjeç 22, banues në Tropojë.
Arrestimi i tij u bë pasi, në qytetin Bajram-Currit, duke udhëtuar me automjetin tip “Peugeot”, nuk i është bindur shenjës së ndalimit të punonjësit të policisë, si dhe gjatë shoqërimit ka kundërshtuar dhe ofenduar punonjësit e Policisë.
Materialet në ngarkim të tij i kaluan Prokurorisë së Rrethit Gjygjësor Tropojë, për veprat penale “Mosbindja ndaj urdhrit të punonjësit të policisë së rendit publik” dhe “Kundërshtimi i punonjësit të policisë së rendit publik”.
