Ashtu siç pritej, Skënderbeu në basketboll për femra është kurorëzuar si kampione e kategorisë së parë, grupi B.
Fitorja ndaj Apolonisë i ka mjaftuar korçareve për të siguruar ngjitjen në elitën e basketbollit vendas. Dhjetë fitore dhe dy humbje i kanë dhënë të drejtë skuadrës së drejtuar nga Bruno Topi që sezonin e ardhshëm të garojnë në Kategorinë Superiore.
Ndërkohë, kjo disfatë e ka pozicionuar Apoloninë të dytën në grupin B. Gjithsesi, fieraket kanë një tjetër shans për të garuar për një biletë për në elitë, pasi do të luajnë në “play-off” me skuadrën e pozicionuar në vendin e 5-të në Kategorinë Superiore.
