Ndryshime në Policinë e Tiranës. Pas emërimit të Rebani Jaupit në krye të Drejtorisë së Policisë së Tiranës, të tjera ndryshime kanë përfshirë kupolën drejtuese të uniformave blu në kryeqytet.
Kështu në krye të Komisariatit nr 3 është emëruar Robert Losha, që zëvendëson Ardrit Elmazin. Ky i fundit është transferuar në drejtimin e Komisariatit nr 6, duke zëvendësuar Pal Markun, i cili kalon në Drejtorinë e Përgjithshme të Policisë.
Komisariati nr 6 mbulon si zonë edhe Unazën e Re, ku prej 140 ditësh protestohet nga banorët kundër projektit të qeverisë për shembjen e banesave të tyre.
