PËRDITËSUAR/ Ndeshja e parë pa Panuçin në stol dhe Kombëtarja shfaq me një tjetër fytyrë, duke mundur 3-0 Andorrën në transfertë. Me këtë rezultat, Shqipëria merr tre pikët e para në eliminatoret e Euro 2020.
Pas humbjes me Turqinë, që solli edhe shkarkimin e Punuçin, Kombëtares i duhej një fitore dhe kundërshtari i radhës ishte ‘i duhuri’.
Shqipëria e nisi në sulm dhe në minutën e 22-të Sadiku arrin të shënojë pas një gabimi të portierit kundërshtar. Me këtë rezultat mbaroi pjesa e parë, ndërsa e dyta rinisi me të njëjtën muzikë. Sulmet e Kuq e Zinjve u finalizuar me fund të lumtur në minutën e 88-të, kur Balaj rrëmben një top nga mbrojtja kundërshtare dhe tregohet i saktë përballë portierit Gomes, që sot nuk ishte në një ditë të mirë. Në minutën e fundit të shtesës, Memushaj shënon edhe golin e tretë pasi portieri kundërshtar kthen një goditje të Abrashit, nga faulli.
/Boldnews.al/
***
Komenti live-Momentet me te rendesishme
Shënohet goli i 3-të nga Memushaj
Memushaj çon shifrat në 0-3 në shtesën e fundit te takimit.
https://www.youtube.com/watch?v=qbUm1UJyQUk&feature=youtu.be
***
Balaj dyfishon rezultatin
Shqipëria ka shënuar edhe golin e dytë përballë Andorës. Pas Sadikut. ka qenë radha e Bekim Balajt që të shënojë.
Balaj i futur në lojë në pjesën e dytë, ka dyfishuar rezultatin në minutën e 88-të të takimit, pasi rrëmbeu një top nga mbrojtja kundërshtare.
https://www.youtube.com/watch?v=C8NRIzOxSWg&feature=youtu.be
Mbyllet pjesa e parë/ Aromë 3-pikësh për Shqipërinë
Mbyllet me rezultatin 1-0 në favor të Kombëtares sonë pjesa e parë e takimit Andorra-Shqipëri.
***
Gooool! Armando Sadiku kalon Shqipërinë në avantazh (VIDEO)
Kombëtarja shqiptare ka kaluar në avantazh përballë Andorës. Sulmuesi Armando Sadiku, ka përfituar nga një gabim i portierit të Andorës, për të çuar topin në rrjetë. Shqipëria ka kaluar në avantazh në minutën e 22-të të takimit.
Ndeshja është e vlefshme për eleminatoret e kampionatit Europian 2020. Takimin hapës, Shqipëria e humbi 2-0 ndaj Turqisë në “Loro Boriçi”. /Boldnews.al/
*Dalin formacionet zyrtare, ja 11 titullarët e zgjedhur nga Bulku dhe Mema