Petrit Vargu, mjek i njohur, ka reaguar në rrjetin social, lidhur me urdhërin mbi rregullat që duhet të zbatojnë të afërmit e pacientëve në QSUT.
Vargu shkruan se të gjitha këto rregulla, që publikohen si të reja, kanë qenë që me krijimin e spitalit, duke shtuar se problem është anarshia që ekziston.
“Ja rregullat që ka nxjerrë ministrja e shëndetësisë. Të gjitha kanë qenë, që me krijimin e spitalit.
Problemi është që nga anarshia që ekziston asgjë nuk zbatohet. Çuditërisht nuk flitet si do zgjidhet problemi i ilaçeve të skaduara, sa zbatohen protokollet, sa zbatohen dietat , a bëhen konsultat në kohe , sa është ulur numri i infeksioneve post –operatore, pas harxhimit të miliardave për PPP-në e sterilizimit?
Kush është efekti i check-up-it në jetëgjatësinë e popullsisë etj, etj…
Ngjan më tepër me urdhëresat në kohë shtetrrethimesh:…ndalohet ecja katër persona së bashku me duar në xhepa…..!”
Valle kjo është mjekësia që duam?”, shkruan Vargu.
