Qendra e Shërbimeve Arsimore ka publikuar listën e mësuesve që do të futen në provim shteti.
QSHA ka hartuar oraret e testimeve për 784 mësuesit, që presin pajisjen me licencë.
Mësuesit që kanë të përfshirë emrin në listë duhet të paraqiten në ambientet e reja të QSHA-së, në bulevardin “Zhan D’ark”, në datën e caktuar, gjysmë ore përpara, të pajisur me dokumentet identifikuese, diplomat e dy cikleve dhe faturën e pagesës në bazë të herës së pjesëmarrjes në provim (të vulosur nga banka përkatëse).
Këtë vit, ndryshe nga vitet e mëparshme, në provim do të futen edhe kandidatët për mësues, që kanë plotësuar numrin e testimeve 5.
Këta të fundit mjafton të paguajnë një tarifë që vjen në rritje për herën e pjesëmarrjes që ata të sigurojnë kurdo licencën që iu jep të drejtë të kërkojnë një punë, qoftë në shkollë publike apo private.
