Andrea Pirlo e dëshmoi se ende mund të luajë si profesionist me paraqitjen e tij në ndeshjen mes legjendave të Milanit dhe legjendave të Liverpoolit, e cila u zhvillua sot në Anfield.
Ish-mesfushori italian, Andrea Pirlo, ka qenë i pensionuar që dy vjet, pasi e përfundoi karrierën e tij me Neë York Cityn, mirëpo në ndeshjen kundër legjendave të Liverpoolit, ai dukej se ishte ende një futbollist profesionist.
Kulmi i paraqitjes së tij mbresëlënëse erdhi në minutën e 60-të të ndeshjes, e cila përfundoi me rezultat 3:2 për Liverpoolin, kur Pirlo e shënoi një gol të mrekullueshëm nga goditja e lirë, duke e lënë portierin Sander Westerveld të shtangur.
Kjo ndeshje u zhvillua për të grumbulluar para për bamirësi dhe në të morën pjesë disa nga lojtarët më legjendarë që të dyja klubeve, si dhe trajneri Carlo Ancelotti.
https://twitter.com/TeamMilanAC/status/1109490271979474944?ref_src=twsrc%5Etfw%7Ctwcamp%5Etweetembed%7Ctwterm%5E1109490271979474944&ref_url=https%3A%2F%2Fwww.gazetaexpress.com%2Fpirlo-shenon-gol-te-mrekullueshem-nga-goditja-e-lire-kunder-legjendave-te-liverpoolit%2F