Herë duke hedhur batuta dhe akuza në drejtim të mediave dhe opozitës, me një mungesë të theksuar të qetësisë, kryeministri Edi Rama nuk ka nguruar që të kursejë as ata që mblodhi në sheshin “Nënë Tereza”, ku u shfaq spektakli i rikandidimit të Erjon Veliajt në garën për Bashkinë e Tiranës.
Ndoshta duke e ndjerë veten superior dhe si një lider glogal, pasi kishte përdorur një fjalor që do e kishte zili edhe halabaku më i rëndomtë, Edi Rama, mendoi të telendiste edhe ata që gjendeshin poshtë skenës së improvizuar, të ulur në karrige, sipas rreshtave, ku ndoshta më të devotshmit ishin të parët dhe pastaj vinin me rradhë.
“Pandeli nxirre telefonin Pandeli. Mos kurse internet”, thirri Rama ndërsa pak njerëz po i bindeshin kërkesë-urdhrit të liderit global, për të shkrepur fotot e tij
“Nxirre Pandeli”, insistoi Rama për herë të dytë, duke detyruar edhe ish-kryeministrin e socialistëve Pandeli Majko, që të nxirrte telefonin dhe të bënte selfien e rradhës.
