Pas përfundimit të ndeshjes së djeshme, mes Shqipërisë dhe Turqisë, e vlefshme për eliminatoret e Euro 2020, FSHF ka vendosur shkëputjne e kontratës me trajnerin e kombëtares Kuq e Zi, Christina Panucci.
Nuk dihen ende detajet e tjera lidhur me çfarë është diskutuar në mbledhjen urgjente, por me gjasa rezultatet e dobëta të kombëtares gjatë kohëve të fundit kanë sjellë edhe shkëputjen e marrëdhënieve mes FSHF dhe Panuccit.
Federata Shqiptare e Futbollit njofton se ditën e sotme ka ndërprerë zyrtarisht bashkëpunimin me trajnerin Christian Panucci. E falenderojmë trajnerin Panucci për punën e zhvilluar deri më tani dhe i urojmë suksese në vazhdimin e karrierës.
Ekipi kombëtar në ndeshjen e dytë zyrtare eliminatore kundër Andorrës në transfertë do të drejtohet nga Ervin Bulku dhe Sulejman Mema, si edhe pjesa tjetër e stafit aktual.
