Kryetari i Partisë Demokratike, Lulzim Basha, ka kujtuar ditën e sotme 22 marsin e vitit 1992, ku demokratët patën një fitore të pakrahasueshme në zgjedhjet e atij viti.
Basha e ka çmuar atë vit si bashkimin e madh të shqiptarëve, për liri dhe demokraci.
Kreu i Demokratëve ka dhënë dhe një mesazh për aktualitetin në vend duke u shprehur se Shqipëria po na thërret sërish dhe se jemi në një udhëkryq që duhet ta zgjidhim sa më shpejt.
Mesazhi i Bashës
Me 22 mars 1992 shqiptarët fituan lirinë. Si sot 27 vjet më parë njerëzit u bashkuan me të vetmen dëshirë dhe ëndërr: lirinë për të ndërtuar një jetë më të mirë, lirinë për të lëvizur, lirinë për arsim, lirinë për biznes, lirinë per tu shprehur, lirinë për të zgjedhur e për tu zgjedhur. Ky udhëtim 27 vjecar drejt lirisë dhe Europës demokratike me arritjet dhe dështimet e tij, ka qenë i dhimbshëm dhe plot sakrifica. Sot Shqipëria po na thërret përsëri sepse rruga jonë drejt lirisë dhe Europës është në udhëkryq! Është në dorën tonë ta përmbyllim atë duke ndërtuar edhe në Shqipëri sistemin e vlerave të vërteta europiane! #ShqipëriaSiEuropa
