Partia Socialiste do të mbledhë nesër Kongresin e saj, ku priten të konfirmohen ndër të tjera edhe disa prej kandidatëve për kryetar bashkish në zgjedhjet e dekretuara të 30 qershorit.
Gjithashtu nesër pritet të Lali Eri përveç zyrtarizimit të kandidaturës të nisë edhe fushatën për zgjedhjet që nuk dihet nëse do të zhvillohen apo jo dhe kë do të ketë kundërshtar, pasi opozita nuk merr pjesë përsa kohë Edi Rama nuk dorëhiqet si Kryeministër.
E gjithë shfaqja që pritet të dhurojë Lali Eri dhe Kryeministri Edi Rama i ngjason një anti-mitingu të Rilindjes përballë protestave të qytetarëve të organizuara nga opozita, e cila ka dorëzuar mandatet e deputetëve.
Por ajo që ka ndodhur me protestat e opozitës, ku policia ka përdorur me shumicë gazin lotsjellës për të shpërndarë protestuesit, ka sjellë memen e rradhës nga aktivisti Genc Sejko.
“Llesh kujdes me gazin nesër, ata që mblidhen janë tanët”, shkruan Sejko në memen e tij, duke e shoqëruar me një foto të kryeministrit Rama me ministrin e Brendshëm, “Çubardhi”.
