Mbrëmjen e sotme qyteti i Elbasanit është tronditur sërish, pasi në një nga lokalet në qendër të qytetit është ekzekutuar me armë zjarri avokati i njohur Ravik Gurra, 50 vjeç. Gurra i cili është një nga avokat që ka mbrojtur Emiljano Shullazin dhe Hakmarrjen për drejtësi.
Trupi i avokatit ende nuk është larguar nga vendngjarja, ndërkohë që policia pret prokurorët dhe ekspertët për kqyrjen e vendit të ngjarjes.
Sipas raportimeve më të fundit nga vendngjarja, ai është qëlluar me pistoletë me silenciator me katër plumba.
Dyshohet se autorët ishin me motor dhe kanë humbur gjurmët duke u larguar brenda kalasë së qytetit. Policia ndodhet në vendngjarje dhe po vijon hetimet.
Ja çfarë thotë policia:
Rreth orës 19:35, në një lokal në Elbasan, nga persona ende të paidentifikuar është vrarë me armë zjarri shtetasi R.G., 50 vjeç, banues në Elbasan.
Shērbimet e Policisë kanē ngritur pika kontrolli në të gjitha rrugët në hyrje e dalje si dhe po krehin zonēn ku dyshohet se janë larguar autorët.
Grupi hetimor ndodhet në vendngjarje dhe po grumbullon e fikson çdo provë që do shërbejë për zbardhjen e ngjarjes.
Një grup ekspertësh nga Departamenti i Policisë Kriminale në Policisë e Shtetit është nisur menjëherë në ndihmë të grupit hetimor për të bërë të mundur zbardhjen e shpejtë të ngjarjes.
