Këshilli i Emërimeve në Drejtësi ka publikuar emrat e 13 kandidatëve që plotësojnë kriteret për të vijuar garën për postin e Inspektorit të Lartë të Drejtësisë.
Mes emrave që janë përzgjedhur janë edhe disa me lidhje politike, mes të cilëve Genc Gjonçaj, ish-jurist i PS-së në KQZ, sot Sekretar i Përgjithshëm i Kuvendit, Lefteri Lleshi, e cila ka mbajtur funksionin e kryetares së KQZ-së, Elira Kokona e cila ka qenë Sekretare e Përgjithshme e Ministrisë së Drejtësisë në qeverinë Rama.
Gjithashtu në listë është edhe Artur Metani, ish-këshilltar i presidentëve Moisiu dhe Topi, si dhe vëllai i ish-ministres së Ramës, Eglantina Gjermeni.
Në listë përfshihen edhe emra të lidhur me shoqërinë civile si Altin Hazizaj, Mimoza Qinami apo Eris Hysi.
Në njoftimin zyrtar të KED thuhet se “në përfundimit të afatit të caktuar të shpalljes “Për hapjen e Procedurës së Aplikimit në Pozicionin Vakant Inspektor i Lartë i Drejtësisë”, Këshilli i Emërimeve në Drejtësi, pasi ka administruar dokumentacionin e kandidatëve që kanë shprehur interes për këtë pozicion, bën publike listën e kandidatëve si më poshtë:
Altin Hazizaj
Artur Malaj
Artur Metani
Elira Kokona
Eris Hysi
Ferdinand Caka
Genci Gjonçaj
Genci Ismaili
Klodian Rado
Lefteri Lleshi
Marsida Xhaferllari
Mimoza Qinami
Suzana Frashëri
