Ish-ministri i Jashtëm, Paskal Milo shprehet se politika shqiptare duhet pastruar nga individët që bëjnë gjithçka për pushtet. Në emisionin ‘Arena’ në Ora News, Milo nënvizoi se politika ka nëvojë për vetting, përndryshe situata do të agravojet keq e më keq
“Ndërkombëtarët kanë frikë për riciklimin e krizave në Shqipëri, krizave politike dhe sociale, sepse u rrënon të gjithë investimin që kanë bërë ndër vite në vendin tonë. E dyta: vetë ne nuk jemi të interesuar. Ky vend do të shkojë keq e më keq, më mirë të sakrifikojmë 10-15 politikanë, të cilët janë të lidhur pas interesave dhe pas pushtetit sa janë gati të djegin Shqipërinë për të qëndruar në pushtet apo për të ardhur në pushtet. Prandaj, ai vetting politik, duhet të bëhet në vendin tonë një orë e më parë, që të pastrohet politika nga konfliktualiteti që po ia merr frymën këtj vendi”, përfundoi ai.
Ideja e vettingut në politikë është kërkuar nga Partia Demokratike, por nuk pati gadishmëri nga mazhoranca për një nismë të tillë.
