Është shumë i trishtë fakti që ushqimet që ndoshta na pëlqejnë më tepër nuk janë ato të shëndetshmet. Ushqimet ‘fast food’ apo ëmbëlsirat janë të ngarkuara me kripë, sheqer, dhe yndyrna të ngopura të cilat vrasin çdo vlerë ushqimorë të produktit që konsumojmë. Por ka disa mënyra sesi mund ti konsumojmë këto ushqime të ‘dëmshme’ në një formë të shëndetshme.
Provoni të përzieni patate të skuqura me çokollatë, kikirikë të kripur dhe rrush të thatë për një përzierje që godet njëkohësisht dëshirën për të konsumuar diçka të ëmbël dhe të kripur, duke siguruar gjithashtu vitamina dhe yndyrna të shëndetshme.
Përgatitini këto ushqime në shtëpi pasi versionet shtëpiake të ushqimeve tona të preferuara mund të jenë po aq të kënaqshme me shumë më pak përbërës të dëmshëm. Një version i pjekur i patates është po aq i freskët dhe i shijshëm, por kursen shumë yndyrna.
Gjithashtu e rëndësishme është të marinoni mishin para gatimit. Mishi i kuq përmban shumë yndyra të ngopura dhe ngre nivelin e kolesterolit që kontribuon në presionin e lartë të gjakut dhe sëmundjet e zemrës.
Ju mund ta zëvendësoni mishin e kuq me mishin e bardhë të pulës pasi përmban më pak yndyrë, por duhet të keni parasysh që para gatimit ti hiqni lëkurën pasi ajo përmban pjesën më të madhe të yndyrës. Ushqimet që janë të pjekura janë gjithmonë më të ulëta në yndyrë sesa ushqimet që skuqen.
Mund të përdorni hudhër, rigon, paprika (spec djegës), rozmarinë, ose kopër për të shtuar shijen e ushqimit duke mbajtur njëkohësisht nën kontroll presionin e gjakut. Erëzat kanë komponentë të shëndetshëm që shërbejnë si antioksidantë të fuqishëm, ndërsa shpërndajnë doza të pasura me vitamina dhe minerale.
Por edhe nëse duam të konsumojmë ‘fast food’ herë pas here gjithçka duhet të bëjmë është të shtojmë me 20 minuta dozën e stërvitjes tonë. Por me praktikë dhe me disa kreativitete, shumë ushqime të pashëndetshme mund t’i nënshtrohen një transformimi që e i bëjnë ato të shëndetshme duke mos sakrifikuar asnjë kënaqësi apo shije që marrim nga këto lloj ushqimesh! /SCAN.
