VIDEO/ Tërmet i fuqishëm, shkatërrim në qytet!

Një tërmet me magnitudë 5,5 ballë ka goditur të mërkurën jugperëndimin e Turqisë. Në një deklaratë, Autoriteti për Menaxhimin e Fatkeqësive dhe Emergjencave (AFAD) tha se tërmeti goditi provincën Denizli në orën 9.34 të mëngjesit.

Epiqendra e goditjes ishte në fshatin jugor të provincës në rrethin e Acipayam, në një thellësi prej 11.36 kilometrash. Më herët, dy dridhje me magnitudë 4.8 dhe 4.5 ballë goditën provincën më herët gjatë ditës së sotme.

LEXO EDHE  Ironia/ Zbulohet nga i erdhi sëmundja Merkelit, kanë dorë shqiptarët

Tërmeti është ndjerë në të gjithë rajonin e Egjeut dhe në jug të Detit të Marmarës. Guvernatori i Denizlit tha se nga tërmeti nuk është raportuar asnjë viktimë. Kryetari i Bashkisë së qytetit Acipayam, Hulusi Sevkan, tha se tërmeti shkaktoi dëme në disa shtëpi. Tërmetet në Turqi janë të shpeshta. Një tërmet me magnitudë 7.4 ka vrarë më shumë se 17,000 njerëz në Turqinë veriperëndimore në vitin 1999.