Dervis Arapi është shpallur në kërkim lidhur me vrasjen e 26-vjeçarit Jurgen Kurti, mbrëmjen e së hënës në Tiranë. Dervis Arapi është djali i biznesmenit të vrarë në vitin 2017 në Durrës, Agim Arapi. Për këtë krim u akuzua dhe Jurgen Kurti.
Burime policore sqaruan se Dervis Arapi është kërkuar për tu marrë në pyetje lidhur me krimin, por nuk është mundur të lokalizohet vendndodhja e tij. Për këtë, u shpall në kërkim policor. Ndërkohë, e ëma e Dervisit ka sqaruar se i biri ndodhet jashtë vendit dhe s’ka lidhje me vrasjen e 26-vjeçarit.
“Nuk kemi lidhje fare, s’na lënë të qenë. I bëj thirrje të gjithëve: është turp që merreni me këtë. Djali im s’ka vrarë njeri, është shumë i mirë. Çuni s’rri në Shqipëri”, tha Vjollca në një prononcim për një televizion. Ashtu si një ditë më parë, ajo mohoi kategorikisht akuzat se familja e saj është e përfshirë në krim, megjithëse pista kryesore e hetuesve është gjakmarrja.
Denis Arapi tregon për vrasjen e të atit
Vrasja në Durrës
Lidhur me vrasjen e Agim Arapit në 2017-ën, u arrestua Jurgen Kurti edhe dy persona të tjerë, ndërsa për krimin u dënua vetëm njëri prej tyre. Kurti nuk u hetua, ndërsa vrasja u klasifikua si nga pakujdesia. Në fashikujt hetimor thuhet se thika e përdorur në konflikt mes viktimës dhe autorit është përdorur nga ana e viktimës dhe e ka poseduar ai e jo autori. Ndërsa dy personat e tjerë, Jurgen Kurti dhe K.E. nuk janë hetuar më në vijim. Pavarësisht se në fillim, kur ngjarja u bë publike, janë ndaluar të tre si autorë të dyshuar të ngjarjes. /Boldnews.al/
