Sekretarja e Përgjithshme e Këshillit të Bashkëpunimit Rajonal, Majlinda Bregu, ka komentuar videon ku shfaqej me eurodeputetin Knut Fleckenstein e cila u bë virale në rrjetet sociale.
Bregu tha gjatë një interviste në emisioni “Përballë” në RTSH, se është mësuar me thashetheme, akuza të dobëta dhe deklarata që i bëjnë pis ata që i ndërtojnë.
“Është një video që e kam postuar para disa kohësh, në 2015, me prapaskenat e takimit. Jam mësuar edhe me thashethemine, edhe më akuzat më të dobëta dhe të shëmtuara. Nuk mbaj mend që të jetë sulmuar kaq shumë një grua, me deklarata që i bëjnë pis ata që i ndërtojnë”.
