Një ngjarje rëndë ka ndodhur në shkollën “Shefqet Tançi”, në qytetin e Bulqizës. Pas një eksperimenti të bërë në shkollë rezultojnë të helmuar 11 nxënës.
Nga të dhënat paraprake mësohet se nxënësit janë në klasën e gjashtë. Pas eksperimentit të bërë në orën e kimisë nxënësit janë ndier keq dhe kanë filluar të kenë përzierje dhe të vjella.
Nxënësit janë dërguar të gjithë në spital. Ndërkohë po punohet për të gjetur shkakun e ngjarjes.
News 24 raporton se nxënësit në orën mësimore të laboratorit kanë përdorur një lëndë kimike të llojit sapun dhe kjo ka krijuar shqetësime duke bërë që ata të dërgohen me shpejtësi në spital.
Ende nuk dihet gjendja shëndetësore e nxënësve, ndërsa vijojnë të trajtohen me serum nga bluzat e bardha në Bulqizë. Ata kanë patur të vjella dhe marrje mendësh.
