Klubi i Kukësit ka njoftuar këtë të martë shkarkimin e trajnerit Armando Cungu. Skuadra ka njoftuar se klubi do të drejtohet nga Ramazan Ndreu. Shkak për shkarkimin e Cungut janë rezulatatet negative të javëve të fundit, njofton klubi në rrjetin social Facebook.
Vendimi vjen pas humbjes së Kukësit me Skënderbeun.
Njoftimi
Kukësi njofton përfundimin e bashkëpunimit me trajnerin Armando Cungu.
Si pasojë e rezultateve negative te javëve të fundit, drejtuesit e Klubit dhe Armando Cungu kanë arritur me mirëkuptim përfundimin e bashkëpunimit. Falenderojmë trajnerin Cungu për kontributin e dhënë në drejtimin e skuadrës sonë dhe i urojmë suksese në karrierë!
Që nga dita e sotme në krye të pankinës sonë do të jetë Ramazan Ndreu, i cili mbante detyrën e drejtorit të menaxhimit te klubi ynë.
