Fundviti i 2018 dhe 2019 do të mbahen mend gjatë në historinë kolektive si periudha ku shqiptarët më në fund nisën të reagonin dhe të reagonin ndryshe. Duke filluar që nga protesta e studentëve në dhjetor të 2018 e deri tek protesta e opozitës më 16 shkurt, në Tirana kanë ndodhur ngjarje e momente që janë fiksuar në objektivin e aparatit fotografik po aq fort sa edhe në memorin e shqiptarëve.
Që nga meme te deri tek sloganet, çdo gjë ishte risi. Por, nëse për shumë prej të rinjve ka qenë risi, ka ende njerëz që me të pandryshueshme e tyre përbëjnë ndryshime. Fotoja e kthyer në ‘Foton e Ditës’ për prestigjozën Reuters, është stmapuar tashmë edhe në bluza. Personi që tentoi të gjuante me shtizë dyert e Kryeministrisë gjatë 16 shkurtit është kthyer në personazhin e vitit, i cili edhe pse anonim është deri më tani njeriu më i famshëm i protestave të opozitës.
Bluza e veshur dhe nga moderatorja Ori Nebiaj dhe personazhe të tjerë të njohur, siç duket është frymëzim nga protesta e 16 shkurtit, ku një burrë u shfaq me shtizë.
