Forcat e policisë së komisariatit numër 6 në kryeqytet kanë shoqëruar disa banorë të “Unazës së Re”, këtë të hënë.
Avokati i banorëve, Artan Manushaqe tha për gazetarët në ambientet e jashtme të komisariatit se, u pyetën nga policia për bllokimin e rrugës në “Unazën e Re”.
Avokati u shpreh se deri në largimin e Ramës nga posti i kryeministrit, banorët do vazhdojnë protestat.
“Ne zotërinjve iu paraqitëm argumentet tona se nuk është bllokim rruge, por është një protestë paqësore në mbrojtje të banesave të pronave të të drejtave dhe lirive të garantuara nga Kushtetuta. Dhe do jemi në ‘Unazën e Re’ edhe në ditët në vijim, jo vetëm derisa ‘Unaza e Re’ të marrë një zgjidhje, sepse nga pikëpamja faktike ka marrë zgjidhje, se revolta qytetare nuk lejon bandat aty që të prishin banesat dhe pronat, por të marri dhe një zgjidhje në kuptimin e vendimmarrjes. Një vendimmarrje politike, derisa të largohet Edi Rama ne do jemi aty dhe në tërë Shqipërinë në çdo shesh e në çdo rrugë. Kjo është e garantuar kjo pjesë”.
Ai shtoi policia po vepron me urdhër politik ndaj tyre.
Banorët e ‘Unazës’ protestojnë prej më shumë se 3 muaj kundër projektit për rikonstruktimit të rrugës nga sheshi “Shqiponja” te mbikalimi pranë pallatit me Shigjeta, që parashikon prishjen e pronave të tyre. Për ta, projekti është kurruptiv.
Për gazetarët foli edhe ish-deputeti demokrat Klevis Balliu, i cili shprehu bindjen se projekti në fjalë do të rrëzohet.
/BN/
