Dy të rinjtë që qëlluan sot kreun e bashkisë më bojë, janë shoqëruar nga policia dhe aktualisht ndodhen në Komisariatin nr.1 në kryeqytet.
Burime për Boldnews.al bëjnë me dije se dy studentët e rinj jo vetëm që janë shoqëruar në polici, por edhe janë dhunuar nga truprojat e kryebashkiakut. Studentët janë kthyer prej kohësh në ‘tabelë qitjeje’ për Policinë e Shtetit. Gezim Almeta, është shoqëruar edhe më parë nga policia edhe pse gjatë protestës së parafundit të opozitës nuk kreu asnjë vepër penale, ndërkohë që gjatë protestës së studentëve është ndaluar pasi u bë i njohur si ‘njeriu që vuri drynin dyerve të fakultetit’.
Gjuetia ndaj të rinjve dhe studentëve të cilët kanë gjetur gjithnjë metoda moderne për të protestuar është kthyer në një mision të veçantë. Policia është duke përndjekur dhe shoqëruar çdo individ që proteston, duke rikthyer terrorin dhe frikën në vend.
