Nga Boldnews.al
Tre ditë në një qark të vogël janë domethënëse për kryeministrin Edi Rama, i cili duket se ka kaluar “pushimet pranverore” në Kuçovë, Berat dhe Poliçan. Nuk di ku të ndalet më parë, por u ngazëllye nga “bukuritë” e Poliçanit të fishekëve, dhe nga Tiku që mban rekorde për akuza penale, por gjithnjë i shpëton drejtësisë.
I shoqëruar nga kryebashkiaku u “përjetshëm” Adriatik Zotkaj, që është në krye të institucionit që nga viti 2003, Rama brodhi cep më cep Poliçanin për të gjetur “dy investime” të mëdha që ishin stacionet e pompimit të ujësjellësit të Poliçanit dhe një shkollë e rikonstruktuar së fundmi.
“Ujë 24 orë pas 3 dekadash vështirësi, si edhe një shkollë e rindërtuar me themel për fëmijët e mësuesit e qytetit”-shkruan Rama në profilin e tij në facebook. Por kryevepra ishte lënë për nga fundi i kronikës në ER TV, kur Rama dhe Zotkaj, si dy “Pashallërët e Kuq” takojnë qindra qytetarë të ngazëllyer dhe marrin bekimet prej tyre.
“Sa ka marrë investime Poliçani në këtë mandat nuk i ka marrë për 20 vjet”-ngacmoi kryebashkuan kreu i qeverisë Rama. “Falë jush dhe qeverisë Poliçani ka Rilindur, vërtetë duhet thënë se Poliçani ka Rilandur, kjo fal jush edhe ishalla Abaz Aliu na ndihmoftë…”-tha Zotkaj, duket i instruktuar më parë nga Rama që aty për aty iu kundërpërgjigj: “mos na ngatërro me Abaz Aliun se na ka kritikuar Petrit Vasili”-shtoi Rama, veshur me brekushe dhe atlete.
I përmenduar Baba Abaz Alia nga kjo dyshe Pashallërësh, është fyerje për besimtarët Bektashi, por pushteti nuk e njihka limitin e përbuzjes. Kryeministri Edi Rama pasi ka urdhëruar nëpërmjet kryepolicit Ardi Veliu dhe ministrit Sandër Lleshaj për të dredhur gaz helmues dhe ushtruar terror mbi protestuesit flasin për arritje, premtime dhe mbushin vendin me propagandë.
Nga ana tjetër, kryebashkiaku Adriatik Zotkaj shquhet për qeverisje lokale me “dorë të hekurt”, që në atë zonë të vogël kontrollon gjithçka dhe kushdo që ngre zërin për një padrejtësi, do të kalojë më parë nga dhuna e kryebashkiakut. Dy vite më parë Partia Demkoratike e akuzoi se droga e kapur në biznesin e tij në Poliçan ishte e vetë kryebashkiakut, por u arrestua për vetëm tre ditë vëllai i tij dhe më pas edhe ky i fundit fitoi lirinë.
Këto “detaje” nuk janë asgjë para turit kryeministror në Berat, që nuk lë pa ironizuar edhe përfaqësuesit fetarë. U shplodh, u qetësua disi dhe është i gatshëm që në nisje të javës të mbërrijë në Tiranë, gjithnjë nëse nuk pëson ndonjë krizë rrugës. Të vetmet mërzi që kaloi ishte se kudo që shkonte pa të njëjtat fytyra që i fiksoi që në ditën e parë të mbërritjes në Berat. Janë ata rrogtarë të shtetit që taksirati i ka zënë për të bredhur pas kryeministrit, thjesht për të mbushur radhët, pasi ka një urdhër nga lart që në takimet më Ramën të ketë sa më shumë masivitet. Kthehu në Tiranë o Pasha…! Protesta e opozitës ka mbaruar.
https://www.facebook.com/edirama.al/videos/1995693837392259/
