Ish-ministri i drejtësisë, Ylli Manjani, përmes ironisë ju ka kthyer një përgjigje ndërkombëtarëve, të cilët kanë qëndrime me dy standarde për qeverinë dhe protestat e opozitës.
Përmes një postimi në Facebook, Manjani me ironi i shkruan kreut të OSBE-së në Tiranë, Borschard, duke i kujtuar “kazanin” mediatik të vendit nga ai vjen, ZDF që me dokumentarët e vet ka treguar pamjen reale në të cilën ndodhet Shqipëria, jo ajo që tregojnë burokratët e huaj që punojnë këtu.
“Kazani (Der Kessel) ZDF nuk na e lë rehat Kryeministrin… na e nxiu Shqipërinë, pasi na e kishte “zbardhur” për herë të fundit Edvini me dëshirën për të pritur 600 000 refugjatë.
Ndoshta edhe këta i ka zënë ky ndikimi Rus..!
Boschharti (ky i OSBE-së) mos na rrijë kot, por ti përvishet iher “kazanit” të shtetit të vet! Të dënojë edhe dhunën e zyrtarëve të CDU që ishin sot me opozitën në shesh!
Të dënojë ata si “dhunues” meqë policia ishte “paqësore” që hodhi gaz, ujë e vrer mbi protestuesit..”, ironizon Manjani, deklratat e ndërkombëtarëve që shikojnë vetëm punët e opozitës.
