Një ngjarje e rëndë ka ndodhur në Sarandë. Në qendër të qyteti është bërë një vjedhje spektakolare, ku hajdutët kanë arritur të vjedhin 30 mijë euro.
Ngjarja mësohet se ka ndodhur mesditën e djeshme, por vetëm sot është bërë publike.
Deri tani policia nuk ka dhënë asnjë informacion për ngjarjen, por nga burime nga grupi hetimor bëhet e ditur se vjedhja ka ndodhur në shtëpinë e një biznesmeni në Sarandë.
Në momentin e vjedhjes në shtëpi nuk ka pasur asnjë person nga familja, gjë që të bën të mendosh se autorët kanë pasur dijeni për lëvizjet e tyre.
Pas denoncimit nga biznesmeni, policia ka nisur hetimet për të shkuar në gjurmët e autorëve, ndërkohë që janë sekuestruar kamerat e sigurisë së bizneseve pranë banesës.