Gjykata për Krime të Rënda ka caktuar datën e seancës paraprake, për ish-ministrin e Brendshëm, Saimir Tahiri.
Në 21 mars, në orën 12, do të jetë “përballja” e radhës së ish-ministrit me Prokurorinë, e cila kërkon ta marrë të pandehur për akuzat e trafikimit të lëndëve narkotike dhe grup kriminal.
Tahiri akuzohet për akuzën e “Trafikimit të lëndëve narkotike” në kuadër të grupit të strukturuar kriminal; “Pjesëmarrje në grup të strukturuar kriminal”; “Kryerje e veprave penale në kuadër të grupit të strukturuar kriminal” dhe “Korrupsion pasiv i funksionarëve të lartë”.
