Deputetët franceze të cilët kanë ardhur në Shqipëri në emër të Presidentit Macron kanë deklaruar se nuk duan të përfshihen në çështjet e brendshme politike në Shqipëri.
I pyetur nga gazetarët për djegien e mandateve të opozitës, Jacques Maire u shpreh: Gjatë takimeve tona kemi pasur takime edhe me opozitën. Ne e kuptojmë qëndrimin e secilës parti. Për momentin nuk duam të ndërhyjmë në debatin e brendshëm politik shqiptar. Por unë mendoj që për të patur sa më shumë sinqeritet në vendimmarrje këtu në Shqipëri, duhet edhe një konsensus nga ana e publikut. Duhet të kemi një lloj sqarimi si Shqipëria i trajton marrëdhëniet me fqinje. Ne duam të kemi parasysh edhe përpjekjet që bën Shqipëria për reformat, sidomos për reformën në drejtësi që është ekzemplera. Kemi nevojë për institucione që funksionojnë. Unë besoj se shqiptarët do të gjejnë zgjidhje për këtë”.
Në këto kushte që është Shqipëria, a është gati Franca të thotë PO në qershor?
“Nuk mendoj se përgjigja është kur Franca do të thotë PO, por kur do të jetë gati Franca për tu shprehur. Se kur Franca do të jetë e gatshme të thotë se kur Shqipëria do të jetë pejse e BE nuk është një risi, por është një pikë shumë e rëndësishme. Nëse zgjerimi do të ishte diçka për të frikësuar qytetarët për zgjerimin e BE, edhe kjo mund të ndodhë. Përpjekja jonë është letra e Macron, kjo do të thotë që të kemi një komision të ri, një parlament të ri dhe një këshillë të re gjithashtu, një shumicë progresiste në Evropë, sepse po të kemi një mazhorancë të ekstremit të djathtë do të kemi më shumë probleme në Evropë”, u përgjigj deputeti francez.
Deklaratat erdhën pas takimit që deputetët, Jacques Maire dhe Liliana Tanguy, te cilet i perkasin Grupit Parlamentar te La Republique en Marche ne Komisionin Parlamentar te Puneve te Jashtme te Asamblese Kombetare Franceze, paten me kryetarin e Grupit Parlamentar të PS-së Taulant Balla.
“Qellimi i vizites se dy deputeteve eshte forcimi i marredhenieve France – Shqiperi dhe familjarizimi i metejshem me reformat e nisura prej vendit tone ne kuader te hapjes se negociatave”, njoftoi zyra e shtypit e Kuvendit. /BN/
