Lajmi se gazetarja Fiori Dardha është kërcënuar me jetë bëri bujë në media.
Mbrëmjen e kaluar Fiori mori një mesazh kërcënues në telefonin e saj, nga një person që është paraqitur si ish-kryetari i komunës Perondi në Berat, Rexhep Hajdari.
Ky kërcënim ka ardhur pasi prej dy ditësh në emisionin “Boom” po trajtohej ankandi për dhënien e tokave me qera të kësaj zone.
Blitz.al ka kontaktuar me gazetaren e njohur për të zbuluar më shumë mbi situatën në fjalë dhe nëse Fiori kishte marrë masat e nevojshme dhe u ishte drejtuar autoriteteve.
Përgjigja e saj ka qenë direkte dhe e qartë:
“Çështja është në duart e drejtësisë!”,- është shprehur Fiori.
Tashmë janë autoritetet ato që do të procedojnë me hetimin e rastit në fjalë. Kjo nuk është hera e parë që gazetarë të njohur të ekranit marrin kërcënime me jetë.
