Një gjest shumë të madh, e ka cilësuar Limoz Dizdari, ish-deputet dhe një prej figurave qendrore në Partinë Socialiste, për vite me rradhë, dorëzimin e mandateve nga deputetët e opozitës.
Dizdari theksoi se opozita nuk kishte rrugë tjetër, përveç asaj të dorëzimit të mandateve, ndërsa shtroi pyetjet sepse ndërkombëtarët kanë mbajtur qëndrime që kundërshtojnë një akt të tillë.
“Mollët e këqija duhet t’i pastrojmë. Keni bërë një gjest shumë të madh, tërhoqët deputetët nga Kuvendi. Them se bëtë gjënë më të domosdoshme, nuk kishit rrugë tjetër.
Problemi është se të huajt janë kaq kundërshtarë ndaj këtij proçesi dhe cila do të jetë zgjidhja.
Përse këto institucione janë kaq refraktare, pse Kryeministri tregohet kaq kokëfortë dhe nuk e shikon realitetin kështu sikundër e shikoj unë dhe gjithë shqiptarët”, tha Dizdari.
