U eliminua nga Championsi, klubi gjerman shkarkon trajnerin

Humbja 7-0 ndaj Manchester Cityt ishte e fundit për Domenico Tedescon në stolin e Schalke 04.

Blutë kanë shkarkuar zyrtarisht trajnerin 33-vjeçar, jo vetëm për faktin se skuadra u eliminua nga Champions League, pasi ajo ishte diçka e pritshme, por më tepër për ecurinë shumë të dobët që Schalke 04 ka bërë në kampionat.

Drejtuesit i tremben humnerës dhe një rrëzimi të mundshëm në Bundesligën e dytë dhe për këtë arsye kanë vendosur të largojnë Tedescon, i cili e drejtonte Schalken që nga vera e vitit 2017.