Të shtunën në Korçë luhet supersfida Skënderbeu-Kukësi, e vlefshme për javën e 25-të të Kategorisë Superiore. Në kampin korçar trajneri Orges Shehi duket i qetë ndërsa e kundërta ndodh me Armando Cungun.
Mbrojtja e Kukësit shfaqi probleme në ndeshjen e Kupës kundër Teutës por edhe për ndeshjen kundër korçarëve do të muingojnë sërish Rrumbullaku dhe Cuculi për shkak dëmtimi. Uilliam Kordeiro mund të jetë zgjidhja për mbrojtjen. Rikthimi i brazilianit është shumë i rëndësishëm dhe pavarësisht problemeve me dorën, ai pritet të jetë në fushë. Ende nuk e ka kaluar krejtësisht problemin që ka patur, por do duhet të sakrifikojë sërish.
Rexhinaldo është shqetësimi tjetër i Kukësit. Sulmuesi doli nga fusha e blertë në fillim të pjesës së dytë kundër Teutësdhe pritet të mësohet nëse ka diçka shqetësuese. Dëshira e tij është e madhe që të jetë i gatshëm për ndeshjen e radhës me Skënderbeun.
