Rama, dy vite në vetmi “murgu”…

Nga Boldnews.al

Kryeministri Edi Rama është i braktisur. Asnjë personalitet Europian nuk ka në axhendën e tij takime me kryeqeveritarin tonë Edi Rama. E ka treguar veten se është totalisht i pabesueshëm, që ka futur vendin në kaos dhe drejt botës ka eksportuar me shumicë “kanabis” dhe “popullin” e tij, që ikën e ikën çdo ditë, nga mungesa e shpresës, varfëria dhe dëshpërimi.

Atij ia dhanë shansin. Koha kur Kancelarja gjermane Angela Merkel priste në Berlin Ramën, e madje për disa orë erdhi në një vizitë domethenëse edhe në Tiranë, ishin mundësitë që vetëm një politikan me vizion të çartur mund të mos e kuptonte. Por në atë rast dhe në shumë të tjera, Rama vendosi të bëjë jo shtetarin, por kllounin.

Premtime, takime, shfaqje që tentonte t’ia atribuonte vetes se ishte lider global, por në fund përfundoi në një “lider rural”. I mungojnë takimet e rëndësishme në politikën botërore, por ai ka vendosur që këto ti “kompesojë” me bredhjen në çdo cep të Shqipërisë dhe këtë herë kërkon të na mahnisë ne që jetojmë këtu.

E quan Roskovecin Toskanë, i duket Fieri si Frakfurti industrial, por në fund rikthehet në botën e tij virtuale. Atë botë që më së shumti mahnit Elisën, bota e së cilës është e gjithë çudirë.

Për fat të keq nuk ka më as takime të përbashkëta të shumë shteteve, aty ku Rama ngjitej si mastiçi pas këpucës pranë liderëve evropian që gjithnjë e shmangnin deri në përbuzje. Ashtu i qepej presidentit francez Emanuel Macron, po ashtu Kancelares Merkel, Britanikes Tereza Mei, por publikisht e shmangnin, injoronin dhe i lanë të kuptohej se përfundimisht ai është i padëshiruar. Besimi për të është në nivelin më të ulët.

Ka dy vjet që kryeministri nuk ka bërë një vizitë të rëndësishme zyrtare jashtë vendit, e aq më pak liderë europianë apo botërorë të mbërrijnë në Tiranë. Personaliteti më i “rëndësishëm” që ka pritur në kryeqytet është kryeministri i Maqedonisë së Veriut Zoran Zaev, i cili sot mbërriti në Tiranë.

Edhe këtë “eveniment” e shfaqi si arritje historike. Rama po bën jetën e një “murgu asket”, por si njeri i paparashikueshëm, ai do e sjellë botën këtu, por për keq, kur konflikti politik dhe qytetar të ketë marrë përmasa të frikshme.

PËRGJIGJU

Please enter your comment!
Please enter your name here