Gazetari Basir Çollaku ka bërë të ditur se një avokat i njohur është marrë peng për llogari të llogari të trafikanteve të drogës.
Në një status në Facebook, Çollaku shkruan: “Një avokat i njohur që lëviz me shofer, i cili ka administruar poste të rëndësishme në sistemin e drejtësie merret peng për mashtrim, nga disa persona nga Fushe-Kruja. E kanë futur në një bagazh makine dhe e kanë trajtuar me konsiderate pa dëmtime serioze në fytyre, sjellje që solli plotësimin e disa kushteve të pengmarrësve të përkohshëm. Ai është rikthyer në liri pas nënte orësh. Megjithëse është e pamundur, ndoshta policia nuk ka mundur ta marre vesh ngjarjen e rëndë. Avokati ka neper duar një çështje të rëndësishme, në një dosje të trafikut të drogës”.
Më tej, gazetari Çollaku shton: “Premtimi i pambajtur për njeriun që është në qeli nga Krimet e Rënda, ka sjellë reagimin që ka degraduar në ketë ngjarje. Për ti rifituar lirinë, avokati ka plotësuar disa “kushte” të kontratës paraprake…”
Deri me tani, nga autoritet ligjzbatuese nuk ka asnje njoftim lidhur me rastin ne fjale.
/Boldnews.al/
