Kuvendi ka nisur seancën plenare me betimin e deputetëve të rinj, të cilët kanë pranuar mandatet në emër të PD dhe LSI.
Ajo që ra në sy ka qenë betimi i deputetit të Beratit, Lefter Maliqi i cili pati tha: “betohem”, ka ngritur dy gishtat lart.
Në vijim Maliqi është shprehur se ka marrë mandatin e dhuruar nga PD, ndërsa shtoi se demokratët nuk duhet të gënjehen më.
Maliqi ndër të tjera u shpreh se PD duhet të ndryshojë lidershipin.
“Fati im që zura vendin e kryetarit me mandat të dhuruar, reshti i lënë bosh prej tyre do jetë plot.Të mos kujtojnë se do jenë më të mirë se ne. Demokratët të mos gënjehen më.
Unë kam sakrifikuar bashkë me ta në protesta, 3 muaj shkova në çadër, ai na gënjeu dhe na mashtroi. Lidershipi me mandat të dhuruar mua sot ma ka dhuruar mua mandatin.
I falënderoj banorët e djathtë dhe të majtë që më kanë mbështetur në sfidat politike. Rasti im është rast ndryshe, i drejtohem demokratëve të mos gënjehen më por të ndryshojnë lidership. Në protesta nuk ngrihet Tirana, vijnë nga bashki për rreth, të ketë protestë e revoltë do të thotë të ngrihet Tirana.
Gjithë kriza qëndron të lidershipi që siç gënjeu për listën e vendosi me familjen e vet, dhe pësoi disfatën më të madhe që ka marrë nga PS, po ashtu edhe në zgjedhjet vendore. Mandati im ka të bëjë me kthimin e dinjitetin dhe atë që më kishte borxh PD. Më kishte borxh edhe në zgjedhjet lokale kur humbi 5-0 zgjedhjet lokale në Berat.
PD po bën të njëjtat gabime”, tha Maliqi.
Ndërkohë që një tjetër deputet që ka marrë mandatin në emër të PD-së ishte Alban Zeneli, i cili ka zgjedhur të ulet në krah të Lefter Kokës, ligjvënësit të LSI-së, që nuk pranoi dorëzimin e mandateve.
Në seancë kanë munguar dy deputetët e tjerë, Myslim Murrizi dhe Rudina Hajdari, që në dallim nga kolegët e tyre demokratë nuk pranuan të dorëzojnë mandatet.
