Ish-deputeti i PD-së, Ervin Salianji ka mohuar akuzat e kryeministri Edi Rama, në takimin me homologun maqedonas Zoran Zaev ku theksoi ndër të tjera se ‘ndikimi rus në Shqipëri nuk është sekret, dihet tashmë’, duke akuzuar indirekt edhe opozitën. Salianji u shpreh se ka dyshime te forta që Ministri i Jashtëm me kompetenca të deleguara, Gent Cakaj ka lidhje të forta me rusët dhe serbët.
Në studion e lajmeve të ‘Vizion Plus’, Salianji shtoi se opozita po përpiqet që të ndalojë instalizimin e ‘putinizmit’ në Shqipëri. “Unë jam duke folur për atë që ka shqetësim shërbimi inteligjent, përtej asaj që ka shqetësim publiku, Rama bën presion edhe sot duke thënë Rusia nuk do integrimin në Bashkimit Evropian që mund të ketë influencë të jashtme të rusisë në këtë rast. Unë di që ne kemi pasur indicie të forta për rastin e ministrit të jashtëm i cili sot është në detyrë i padekretuar, Gent Cakaj për të cilin ne kemi dyshime të forta se mund të ketë pasur lidhje dhe indicie të forta për lidhje me rusët dhe serbët, për këtë kemi kërkuar edhe komision hetimor.
Padyshim se cilido që është nostalgjik i Partisë së Punës dhe i komunizmit një ambasador shumë i rëndësishëm ambasador 2Q dyshohet për lidhje te forta me Gunvorin rus i cili sot ka marre naften e Shqipërise, për këto lidhje ky person u soll direkt nga ambasada ku sherben dhe u emerua per negociatat me Greqine, per te dhene pjese te tera te territorrit qe jane te pasura me burime natyrore. Ne po protestojme sot per ta bere Shqipërine si ShBA dhe Evropa, per te mos e lejuar modelin Putinian qe enderron te instaloje Rama”, sqaron Salianji.
