Kryeministri Edi Rama vazhdon të japë intervista për median italiane. Pas krahasimit që i bëri situatës në vend me atë që ndodhi në Itali gjatë viteve viteve të regjimit fashist, Rama thotë se ai nuk është Duçja.
Duke folur për italianen Libero, ai tha: “Në Shqipëri opozita është jashtë parlamentit, të tërhequr mbi “malin Aventino” siç thoni ju italianët, shprehje e përdorur gjatë epokës së regjimit fashist në Itali pas largimit të disa deputetëve nga parlamenti pasi ishin kundër fashizmit, por unë nuk jam Duçja”.
“Duhet të kthehen në Parlament nëse duan të përballen. Kështu i bëjnë keq vetëm Shqipërisë. Nuk jemi në rrezik destabilizimi e protestuesit para parlamentit nuk kanë popullin pas tyre”.
“Dua të çoj vendin tim në Europë”, përgjigjet Rama, “jo aq për ekonominë se sa për politikën e jashtme”.
“Kemi shumë tregues se pas protestave të këtyre ditëve kundër qeverisë time, është aksioni i fuqive të huaja. Në Shqipëri kemi nevojë për institucione të forta e të integruara në BE, për të ndjekur modernizimin e luftuar korrupsionin që ende është i lartë”, tha Rama.
