Jamarbër Malltezi ka reaguar përmes një postimi në rrjet lidhur me projektin e qeverisë për ndërtimin e TEC në Korçë.
Malltezi ka publikuar një seri dokumentesh ku provohet se ndërtimi i TEC-it është firmosur nga të paktën 4 ministra të kohës, Niko Peleshi, Damian Gjiknuri dhe Blendi Klosi dhe Arben Ahmetaj.
Reagimi i Malltezit vjen një ditë pasi ministri i Mjedisit, Blendi Klosi, ka mohuar firmosjen e ndonjë projekti, gjë që nuk është e vërtetë, pasi firma e tij ndodhet në dokumente.
“Firmosësit e TEC mu në mes të Korçës, pa pikë turpi tani e mohojnë”, shkruan Malltezi në rrjet, duke postuar edhe dokumentet përkatëse mbi projektin e qeverisë Rama.
Kjo e fundit duket se është tërhequr, të paktën përmes deklaratave, pas reagimit të fortë qytetar.
Fillimisht kryebashkiaku Sotiraq Filo i drejtoi një letër ministrit të Mjedisit, Blendi Klosi, ku kërkonte mosaprovimin e lejeve mjedisore për ndërtimin e TEC-it në Korçë.
