Edhe pse në media gjatë gjithë ditës së djeshme u raportua, se drejtori i Policisë së Tiranës, Kastriot Skënderaj, ishte shkarkuar nga detyra 1 javë më parë, dhe nuk kishte lidhje me ngjarjen e djeshme tek ‘Petro Nini’, kryeministri Edi Rama dhe Rilindasit vijojnë të gënjejnë.
Në daljet e tij publike në rrjete sociale, Rama përgëzoi sjelljen e Drejtorit të Përgjithshëm të Policisë, Ardi Veliu, i cili sipas kryeministrit liroi nga detyra kreun e Policisë së Tiranës, pas performancës së dobët të policisë tek Petro Nini.
‘I drejtë apo i padrejtë, qeveria nuk vendos për vendimet e Gjykatës. Ajo që ndodhi dje tek ‘Petro Nini’, policia ishte aty për të mbështetur përmbarimin për të zbatuar vendimin e Gjykatës.
Siç e nënvizoi ministri i Brendshëm, edhe pse prania e policisë ishte sjellje e ligjit, prania e saj nuk ishte aspak dinjitoze, duke krijuar skena të panevojshme, ku njerëzit shtriheshin në rrugë dhe policia nuk dinte çfarë të bënte. Reagimi dinjitoz i Ministrit të Brendshëm i cili doli në krahë të opinionit publik.
Ishte dinjitoz edhe reagimi i Drejtorit të Përgjithshëm të Policisë, i cili reagoi duke shkarkuar Drejtorin e Policisë së Tiranës’, deklaroi Rama.
