Braziliani Emerson që spikati me klube të njohura si Juventusi dhe Roma, që gjithashtu, luajti dhe për Real Madridin. Tani është në “pension” dhe jeton në Miami me gruan e tij të dytë.
Vajza e tij, Karolayne Alexandre Da Rosa, produkt i martesës së parë të brazilianit, është zemërthyer, sepse nuk e ka parë atë prej tri vitesh dhe babai nuk iu përgjigjet mesazheve. “Është shumë e vështirë për mua që të jem këtu, sepse kurrë nuk kam folur për këtë dhe kjo më dhemb shumë, – e filloi ajo intervistën me “Channel 5”. – Unë pata shumë dhimbje kur prindërit u ndanë. Isha e vogël, vetëm 11 vjeçe. Nuk kam dëgjuar asnjë lajm nga babai për tri vite, nuk ka ardhur të më shohë në Itali”.
Karolayne merret me sport si babai i saj, por preferon tenisin (është e 853-ta në renditjen WTA). Për shkak se ajo donte të vazhdonte me ëndrrën e saj, hodhi poshtë një ofertë të bërë nga babai i saj për të punuar për FIFA-n: “Unë jam një sportiste, si babai im. Fillova të luaja tenis dhe konkurova në turnetë ndërkombëtarë, por babai kurrë nuk më përkrahu. Një ditë më telefonoi për të më ofruar një punë si sekretare e presidentit të FIFA-s, por refuzova, sepse doja të vazhdoja të luaja. Që nga ai moment unë nuk di asgjë për të”.
Vajza është përpjekur ta takojë të atin e saj, por nuk ka pasur fat: “Një ditë më shkroi, duke më thënë se donte të më shihte. Ai më tha të shkoja e ta takoja në Miami, ku jeton me gruan dhe fëmijët e tij të rinj, por nuk më është përgjigjur në këto katër muaj dhe nuk e kuptoj përse”.
Vajza e ish-futbollistit po përpiqet të fillojë një jetë të re me babanë e saj dhe shpreson se kjo intervistë do ta ndihmojë në qartësimin e situatës: “Babi, më mungon aq shumë, dua ta kem të ardhmen pranë jush”.
