Deputetja e Partisë Demokratike, Rudina Hajdari, ka shpjeguar sot arsyet se pse ajo vendosi që të mos djegë mandatet njëlloj siç bënë kolegët e saj opozitarë.
Në një intervistë për Zërin e Amerikës, Hajdari shpjegoi dhe kontekstin e deklaratës së saj para studentëve për djegie mandati. Ajo tha se në momentin që e bëri një deklaratë të tillë ajo donte të ishte në krah të studentëve për të përmirësuar sistemin dhe jo për ta rrëzuar atë.
Sa i përket vendimit për mos djegien e mandateve, Hajdari tha se ajo e ka të pamundur të luftojë krah për krahë LSI-së, për çështje parimore.
‘Edhe pse më përpara kisha dëshirën për tu bërë pjesë me studentët ka qenë që unë të përmirësoja sistemin jo ta rrëzoja sistemin. Të gjithë ne duhet të punojmë për të përmirësuar vendin. Ne nuk mund të parashikojmë dot se çfarë rreziku do ti biej në kurriz Partisë demokratike. Unë nuk mund të luftoj në krahë të LSI-së, është çështje parimesh’, deklaroi Hajdari’.
